John Keating

Batzuek pelikula hau gorrotatzen dute, beste batzuek ,ordea, bere bizitza osoan zehar irribarre txiki batekin ezpainetan John Keating (Robin Williams) gogoratuko dute. Irakasle honek klaseak emateko era tradizionalarekin apurtu zuen eta bere ikasleei bizitzen ari diren uneak aprobetxatu behar zituztela etengabe gogorarazi zien. Arrazoi honetatik norbaitek pelikulari buruz hitz egiten duenean, momentu batean edo bestean "Carpe diem" hitzak agertzen dira.

Nire nerabetasunean ikusitako filma da. Horiek ziren malkoak, horiek!,filmako azken minutuetan, ikasleek "Oh capitán, mi capitan!", ohiukatu zutenean.

Pelikularen izenburua: "El club de los poetas muertos".

Borja

Borja oñatiarrak herriko eskola publikoan egiten du lan. Bere erantzunak, bera den bezalakoak dira: alaiak, jatorrak...Borjak bidalitako emaila dago jarraian.

Zer gustaitten zatzu gehiexen irakaskuntzatik?

Ba azkenian gehien gustatzen zaidana, haurrek ematen dizuten dana da, freskotasuna, alaitasuna,bizipoza,.... Egunero zerbait berria da, nahiz eta prestatuta duzun klasea berdina izan bi taldentzako, guztiz desberdiña da ateratzen den emaitza. Horrek nolabaiteko motibazioa sotzen dizu eta burua nekatzeko balio du!! zergaitik ez naiz iritsi ikasle horrengana, zer egin behar dut hobetzeko,... neri pertsonalki ematen dudan ikasgai, heziketa fisikoa, asko gustatzen zait eta beraiei ere horrela bizitzeko aukerak emata da nere laneko zailena, beraiek ere proba ditzatela, kirol, joko,... ezberdiñak ta gero aukera dezatela zein den gehien gustatzen zaiena edo ondoen moldatzen direna.
honetaz aparte kirolaren garranztiaz ta kiroltasunean heztea ere nere helburu nagusiak dira beraiekin nagoenean.

Zergatik hasi ziñen magistaritza ikasten ?

Prozesu luzea izan zan, betidanik kirolan munduan sarturik egon naiz, eta eskolan ere heziketa fisikoa zen gairik gustokoena. Gero gaztetan haurrakin lanean hasten zara, udalekutan,(uadarako dirutxo bat ateratzeko edo...) eta konturatzen zara gustora ibiltzen zarela eurakin eta baita eurak ere eroso zentitzen direla zurekin,...(badituk udalekutan 3 urtekin beraien monitore izandako haur batzuk, ta oraindik kalean beraiekin gurutzatu ezkero kaso egiten didatenak, horrek asko betetzen nau!!) eta ba COUa amait ta aukera bat sortu zitzaidan TAFYD delako, urtebetko modulo bat egiteko, hori amaitzean magiteritzan lenengo promozioa(heziketa fisikokoa) martxan jartzera zioan, ta beran sartu ta gaur arte!!!! 1996ko ekainean magisteritzako ikasketak bukatu nituen, irailak 6an deitu zidaten lanerako eta gaurdaño ez dut 5 egun besterik faltatu lana!!!

Zer irakasten duzu eta ze edadeko jendia ?

Berez 3 urtetik hasi eta 12 urte bitarteko ikasleei ematen diet klase, 3urtetik 6rartekoei psikomotrizitatea ematen diet eta hortik aurrerakoei aldiz, heziketa fiskoa.

Itziar

Itziarrek haurtzarotik gustuko zuen irakaslea izatea,izan ere, bere gurasoei ematen zizkien klaseak. Bere ikasleen aurrerapausoak ikusteak izugarri pozten du, eta aitortu dit irakaslea ez izatekotan kazetaria izango zela.Bere ustez ikasteko orduan umeek helduek baino interesa gutxiago adirazten dute,joko bat izango balitz hartzen dituztelako klaseak. Nik 2007an ezagutu nuen eta horregatik badakit bere ametsak bete direla,gaur egun Laudioko akademia batean ingelesa irakasten duelako.

Señorita Rotenmeyer

Txikitan Heidi ikusten nuen eta beti pentsatu dut Rotenmeyer andrea Clararen irakasle pribatua zela. Gaur konturatu naiz beste irakasle etorri zela Clararen etxera. Dena den, Rontemeyer andreak Clararen heziketaz arduratzeaz gain batzuetan irakaslearen rolla ere jokatzen zuen . Rotenmeyeren izaera oso berezia zen, maiz oso zorrotza umeen jokabideekin, noizbehinka haserre agertzen zen eta gutxitan sentibera eta ulerkorra.

Daniel (Hoy comienza todo/ Gaur dena hasten da)

Ça commence aujourd´hui pelikula ikusi dugunok zinematik hunkituta atera ginen historiagatik bakarrik ez, agertzen zen irakasle motagatik baizik. Daniel da filmaren protagonista eta berrogei urteko irakasle zein haur eskolako zuzendari aparta. Historia Frantziako iparraldean kokatuta dago. Danielek, gizon sentibera jerarkia batean harrapatuta, ahal duen guztia baino gehiago egingo du oztopoak gainditzeko. Klasean dituen ikasleak behartsuak dira, eta horregatik maiz gosaldu edo bazaldu gabe heltzen dira eskolara. Egora horrela izanik, berak ezin du egin hezkuntzaburuek esaten diotena. Horrek gatazka eta arazoak sortzen ditu, baina azkenean, Danielek komunitateaz lagunduta lortuko du bere helburua eta horrekin batera ikasleen bizitzan hobekuntza nabarituko da.

Lou Anne Johnson. (Michelle Pfeiffer)

Nork ez du pelikula hau ikusi?. Bere jatorrizko titulua "Dangerous Minds" zen, baina guk beste era batean ezagutu genuen, "Mentes peligrosas" hain zuzen.
1995ekoa da eta ziur aski bere musika ezaguna egingo zaigu.Zuzendaria John N. Smith zen eta pelikula Lou Anne Johnson -en bizitzan oinarrituta dago.

Pelikula honetan segun ze institutotan zein zaila den irakastea lekukoak izango gara. Kalifornian gaude eta ex-marine bat bere ametsa jarraitzeagatik (literatura irakaslea izatea)heltzen da high school batera. Ikasle multzo bihurrienekin moldatu behar da. Azkenean pasadizo asko pasa ostean, ikasleengandik onena aterako du.

Andoni

Hona hemen nire anaia. Bera irakaslea da Okeeheelee Middle - School - en eta eskola hartan bost urte daramatza klaseak ematen. Lehenago Londresen bizi zen eta han Saint John Fisher Catholic School-en irakatsi zuen. Halere, bere experientzia ez da hor amaitzen, Londresen egon aurretik North Carolina-n ere hiru urtez irakatsi zuelako, James Keenan Warsaw EE Smith Middle - School-en, besteak beste.

Anaiari galdetu nion nola antolatzen zituen klaseak, eta hauxe izan zen bere erantzuna: "Lehenik hamar minututan birpasatzen dugu aurreko egunean ikasi duguna, geroago eduki berriak hasten gara ikasten taldeka antolatuta eta jolas desberdinen bidez, eta bukatzeko konklusioak ateratzen ditugu".

Daniel Pennac

Kasablankan jaioa eta Pariseko bizilaguna. Bere liburua "Mal de Escuela" nere mesanotxean dago noiz bukatzeko zain. Egunkari baten liburuak merezi zuela irakurri nuen eta irakurtzen hasi nintzenetik dibertigarria iruditu zitzaidan. Daniel Pennac ikasle traketsa zen, baina gaur egun idazle ospetsua eta instituto baten irakasle fina da. Bere ustez irakasle on batek ikasleak porrotatik salba ditzake . Berengandik ikasi nuen irakasle on bat izateko ikaskuntza baino garrantzitsuagoa dela izaera aldetik ezaugarri pertsonal batzuk izatea

IRAKASLEAK

Hezkuntzak arlo ako hartzen du, haur hezkuntzatik unibertsitatera eta haratago. Bide honetan irakasle ugari topatzen ditugu. Batzuk telebistan ezagutu genituen, filmei ezker, fiksio munduan protagonistak, beste batzuk ordea, benetakoak dira. Guztiak dira interesgariak, baina nik gehien maite ditudanak hauek dira: Anaia eta lagun irakasleak. Haiei buruz berri emango dizuet blog honetan.

Ana Echezarreta

Orain dela hiru urte eta beste ikasketa batzuk egin ondoren, konturatu nintzen gustatzen zitzaidana klaseak ematea zela. Gaur egun eskolorduz kanpoko ingeles klaseak ematen ari naiz. Hortaz aparte akademia batean irakasle nabil, eta bi umetxori ere laguntzen diet beraien eguneroko etxekolanekin. Hainbat udalekutan ere egona naiz.Ez dut sekula blog bat egin,baina atzerriko hizkuntzan matrikulatuta nagoenez erronka hau jarri da nere aurrean.